Prentisiaethau Gweithwyr Tir

Beth yw Gwaith Tir?

Mae gweithiwr tir yn paratoi’r tir cyn, yn ystod ac ar ôl prosiect adeiladu, er mwyn i grefftwyr eraill allu gwneud eu gwaith. Yn aml, nhw yw’r gweithwyr cyntaf ar safle adeiladu ac efallai y byddant yn aros yno drwy gydol y gwaith. Gallai gweithwyr tir fod yn gosod systemau draenio, yn gosod arwynebau ffyrdd, yn clirio llystyfiant ar dir, yn gosod dreifs a llwybrau troed.

Mae prentisiaeth yn un o’r llwybrau mwyaf effeithiol i fod yn weithiwr tir.

Sut mae prentisiaethau gwaith tir yn gweithio?

Mae prentisiaeth Gweithiwr Tir Lefel 2 yn cael ei threulio’n gweithio gyda chyflogwr, lle mae prentisiaid yn cael hyfforddiant ar y sgiliau y bydd eu hangen arnynt i wneud gwaith tir. Mae prentisiaid gwaith tir yn ennill cyflog ac yn rhoi’r hyn maen nhw’n ei ddysgu ar waith yn eu gwaith o ddydd i ddydd i’w cyflogwr.

Pa mor hir yw prentisiaethau gwaith tir?

Mae’r brentisiaeth Gweithwyr Tir Lefel 2 yn rhaglen 18 mis.

Faint o gyflog fydda i’n ei gael fel prentis gwaith tir?

Fel prentis gwaith tir, mae gennych hawl i gael eich talu o leiaf yr Isafswm Cyflog Cenedlaethol neu’r Cyflog Byw Cenedlaethol - mae lefelau hyn yn dibynnu ar eich oedran.

Mae prentis gwaith tir yn cael ei dalu am y canlynol:

• Eich oriau gwaith arferol
• Hyfforddiant sy’n rhan o’ch prentisiaeth
• Astudio tuag at gymwysterau mathemateg a Saesneg os ydyn nhw’n rhan o’ch prentisiaeth

Hefyd, mae gennych hawl i’r isafswm lwfans gwyliau o 20 diwrnod y flwyddyn ynghyd â Gwyliau Banc.

Pa fathau o brentisiaethau gwaith tir sydd ar gael?

Beth fyddaf yn ei ddysgu yn ystod prentisiaeth gweithiwr tir?

Bydd prentisiaid gwaith tir yn dysgu sut mae cyflawni’r tasgau canlynol yn ystod eu prentisiaeth, drwy eu hyfforddiant ffurfiol a thrwy gysgodi eu cydweithwyr ar safleoedd adeiladu:

• Clirio safle adeiladu
• Cloddio ffosydd ar gyfer sylfeini
• Paratoi safle, gosod rhwystrau, arwyddion diogelwch, cytiau ac ati.
• Darparu cymorth cloddio i weithwyr adeiladu proffesiynol eraill
• Dehongli’r defnydd o luniadau a manylebau
• Gosod palmentydd, cyrbau a dreifs
• Dysgu sut mae cymysgu a defnyddio concrid
• Cael gwared â systemau draenio a phibellau
• Defnyddio peiriannau, fel peiriannau tyrchu a thryciau dadlwytho
• Paratoi’r tir/sylfaen er mwyn gallu dechrau adeiladu
• Ailgyfeirio dyfrffyrdd a chysylltu pibellau â phibellau presennol
• Dysgu sut mae gweithio’n ddiogel ar y safle, gan ddilyn canllawiau iechyd a diogelwch a rheoliadau lles

Y cymwysterau sydd eu hangen i fod yn weithiwr tir

Bydd cwrs gwaith tir yn gofyn i brentisiaid weithio ar safleoedd adeiladu, lle bydd angen cerdyn Cynllun Ardystio Sgiliau Adeiladu (CSCS) arnynt. 

Y sgiliau sydd eu hangen i fod yn weithiwr tir

• Ffitrwydd corfforol, cryfder a stamina i ymdopi â chodi a phlygu
• Gallu deall cyfarwyddiadau a’u dilyn yn ddibynadwy ac yn effeithlon
• Rhywfaint o wybodaeth am faterion iechyd a diogelwch
• Bod yn dda gyda rhifau
• Gallu gweithio’n hyderus ar eich pen eich hun, neu fel rhan o dîm

Y rhagolygon ar gyfer y dyfodol a chamu ymlaen yn eich gyrfa

Gallai gweithwyr tir hyfforddedig ac uwch ddod yn oruchwylwyr safle, yn weithredwyr peiriannau neu’n arbenigwyr dymchwel. O ran enillion, gall uwch weithwyr tir ennill £25,000 - £30,000 neu fwy, a gall gweithwyr tir hunangyflogedig osod eu cyfraddau cyflog eu hunain.

Sut i wneud cais am brentisiaeth gweithiwr tir

Os oes gennych chi ddiddordeb mewn gwneud cais am brentisiaeth gwaith tir, un o’r pethau gorau i’w wneud yw chwilio am swyddi gwag sy’n cael eu cynnig gan gwmnïau adeiladu lleol. Chwiliwch ar wefannau swyddi a defnyddiwch wasanaeth prentisiaethau y llywodraeth. Os ydych chi wedi cael rhywfaint o brofiad gwaith blaenorol mewn cwmni, gofynnwch a yw'n cyflogi unrhyw brentisiaid newydd. Bydd yn rhaid i chi wneud cais am unrhyw rôl brentisiaeth, felly bydd angen i chi lunio CV, ysgrifennu llythyr eglurhaol a mynd i gyfweliad. 

Ble i ddod o hyd i brentisiaethau gwaith tir?

Dewiswch un o’r safleoedd postio swyddi isod i ddod o hyd i brentisiaethau gwaith tir yn Lloegr, Cymru a’r Alban.