Gosodwr deunydd inswleiddio ceudod

Sut i fod yn osodwr deunydd inswleiddio ceudod

Mae sawl ffordd o fod yn osodwr deunydd inswleiddio ceudod. Gallwch ddechrau ar eich llwybr gyrfa drwy astudio cwrs coleg, neu brentisiaeth, neu drwy wneud cais yn uniongyrchol i gyflogwr.

Dylech chi ymchwilio i’r opsiynau hyn i fod yn osodwr deunydd inswleiddio ceudod, i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu. 

Coleg/darparwyr hyfforddiant

Efallai y bydd yn rhaid i chi fynd i goleg/darparwr hyfforddiant arbenigol i hyfforddi fel gosodwr deunydd inswleiddio ceudod.

Darganfyddwch beth yw'r gofynion mynediad lle rydych chi'n byw.

• Eglurhad o'r gofynion mynediad cyfatebol
• Dod o hyd i gwrs yn eich ardal chi
• Cyngor am gyllid

Prentisiaeth

• Canllawiau i brentisiaethau

Gwaith

Os oes gennych chi eisoes brofiad neu gymwysterau mewn maes adeiladu perthnasol, fel bricwaith, efallai y gallwch wneud cais i gyflogwr yn uniongyrchol am waith fel gosodwr deunydd inswleiddio ceudod. Gallech chi ddechrau fel cynorthwyydd dan hyfforddiant i osodwr deunydd inswleiddio ceudod mwy profiadol a symud ymlaen wrth i’ch galluoedd wella.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio yn y diwydiant adeiladu. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel gosodwr deunydd inswleiddio ceudod:

• Dealltwriaeth o adeiladu
• Gweithio’n drylwyr a rhoi sylw i fanylion
• Sgiliau cyfathrebu rhagorol ar lafar
• Gallu gweithio’n dda gydag eraill
• Y gallu i weithio ar eich liwt eich hun

Cymwysterau

Beth mae gosodwr deunydd inswleiddio ceudod yn ei wneud?

Fel gosodwr deunydd inswleiddio ceudod byddwch yn gyfrifol am helpu i inswleiddio adeiladau er mwyn sicrhau eu bod yn defnyddio ynni’n effeithlon.

Efallai y bydd swydd gosodwr deunydd inswleiddio ceudod yn cynnwys y dyletswyddau canlynol: 

• Cynnal arolygon cyn gosod i ganfod y dulliau inswleiddio a’r deunyddiau i’w defnyddio
• Ysgrifennu adroddiadau arolygu ar gyfer cwsmeriaid a rheolwyr
• Awgrymu ffyrdd o wella’r defnydd o ynni mewn adeilad
• Cyfrifo faint o le sydd i’w lenwi a faint o ddeunydd inswleiddio sydd ei angen
• Marcio pibellau ar gyfer gwifrau, awyru a phibellau mewn waliau yn ogystal â selio agoriadau
• Chwistrellu deunydd inswleiddio drwy dyllau drilio mewn trefn benodol
• Gwneud yn siŵr bod yr holl frics aer a ffliwiau yn glir
• Sicrhau bod y deunyddiau a’r dulliau a ddefnyddir yn bodloni’r rheoliadau adeiladu
• Gwisgo cyfarpar diogelu personol a bod yn ymwybodol o weithdrefnau iechyd a diogelwch
• Gweithio ar y safle, dan do ac yn yr awyr agored mewn amrywiaeth o adeiladau, gan gynnwys cartrefi, ysgolion, ysbytai ac adeiladau masnachol.

Faint o gyflog allech chi ei gael fel gosodwr deunydd inswleiddio ceudod?

Mae’r cyflog disgwyliedig i osodwr deunydd inswleiddio ceudod yn amrywio wrth i chi gael mwy o brofiad.

• Gall gosodwyr deunydd inswleiddio ceudod dan hyfforddiant ennill £17,000 - £20,000
• Gall gosodwyr deunydd inswleiddio ceudod hyfforddedig gyda pheth brofiad ennill £20,000 - £30,000
• Gall uwch osodwyr deunydd inswleiddio ceudod ennill hyd at £45,000.*

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf i osodwyr deunydd inswleiddio ceudod: 

• Indeed

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.

Llwybr gyrfa a chamu ymlaen

Fel gosodwr deunydd inswleiddio ceudod, gallech gymryd y cam nesaf yn eich gyrfa fel goruchwyliwr galwedigaethol, amcangyfrifwr neu gontractwr neu is-gontractwr hunangyflogedig.